9 желтоқсанда Гимназиямыздың «Өзін – өзі басқару» ұйымы мен «Қайырымды клуб» мүшелері, директордың тәрбие жұмысы жөніндегі орынбасары Р.Тоймырзаеваның ұйымдастыруымен «Жылы жүрек – жомарт қол» тақырыбында гимназия оқушыларының өткізген «Қайырымдылық жәрмеңкесінің» нәтижесі бойынша Теміртау қаласындағы «Сегізінші Арнайы Мектеп-интернатындағы» оқушыларға арнап өз өнерлерін көрсетіп, ойындар ойнатып, балалардың көңіл - күйін көтеріп, сый – сияпаттарын көрсетіп қайтты. – Жан-жағымызға бір сәтке үңіліп көрелікші, Біз білмейтін, біз көрмейтін түрлі жағдайлар орын алуда. Аурушаң, қамқорлықсыз баланы көргенде көңілге қаяу түседі. Істің ең қайырлысы – қайырымдылық. Сәл де болса оларға үміт ұшқынын сыйлау үшін осы қайырымдылықты ұйымдастырдық. Мақсат: болашақ ұрпақтың бойына мейірім мен қамқорлықты сіңдіру.