Жаздық демалыстан кейін ұстаз бен оқушыларды қауыштыратын бұл мерекенің қашанда үлкен қуаныш әкелетіні сөзсіз. "Әлихан Бөкейхан атындағы гимназиясы" КММ-де мереке «Мектебім-мейірім мекенім» атты тақырыппен салтанатты түрде мемлекеттік гимннің орындалуымен ашылып, гимназия директоры К.Нургалиеваның құттықтауымен жалғасты, сондай-ақ, қалалық "ақсақалдар алқасының" мүшесі, ардагер ұстазымыз Абдуахитова Тағрифа Қалымбекқызы сияқты құрметті қонақтар қатысып,  жаңа оқу жылына  ұстаздар қауымына қажымас-қайрат, күш-қуат, оқушыларға білім жолында биік белестерге жетуді тіледі.

 Ал, мектеп табалдырығын аттаған бүлдіршіндер арнайы тақпақтарын жатқа айтып, тәтті қылықтарымен көпшілікті тәнті етті. 

Сондай-ақ, гимназия оқушылары би билеп, әуезді ән орындап құрметтерін білдірді. Ал, білім күнінің бірінші сабағы, алғашқы қоңырау салтанаты аяқтала салысымен, 1-11 сынып оқушыларының «Мектебім-мейірім мекенім» атты ашық тәрбие сағатымен жалғасты