2024-2025 оқу жылында "Мектепке жол" акциясының ұйымдастырылуы
1 тамыздан бастап 30 қыркүйекке дейін республика бойынша “Мектепке жол” акциясы өткізіледі.
Акцияның мақсаты-аз қамтылған, көп балалы, тұрмысы нашар отбасылардан шыққан балаларға, жетім балаларға, ата-анасының қамқорлығынсыз қалған балаларға әлеуметтік көмек көрсету, әлеуметтік себептер бойынша балалардың мектепке келмеуінің алдын алу.
Жыл сайын Теміртау қаласы бойынша акцияға барлық үкіметтік емес ұйымдар, қоғамдық қорлар, кәсіпорындар, меценаттар, БАҚ өкілдері қатысады.
Акцияны өткізу барысында білім беру ұйымдарында аз қамтылған отбасыларға көмек ретінде, балаларға жаңа оқу жылына қажетті кеңсе тауарлары мен киім-кешектерді қабылдау пункттерінің жұмысы ұйымдастырылады.
Қаланың барлық белсенді азаматтарын, бизнесмендерді, кәсіпкерлерді, меценаттарды акцияға қатысуға және әлеуметтік осал отбасылардан шыққан балаларды мектепке дайындауда атаулы көмек көрсетуде азаматтық белсенділік танытуға, назар аударуға және нағыз қамқорлық көрсетуге шақырамыз.
Акцияға қатысатын белсенді азаматтар мен ата -аналарды Теміртау қаласы ББ “Әлихан Бөкейхан атындағы гимназия”КММ директордың тәрбие орынбасарына хабарласуларын сұраймыз (ұялы телефон 87470144243)
