«МАМАНДЫҚ ТАҢДАУ – МАҢЫЗДЫ ІС» тақырыбында педагогикалық бейім сыныбы оқушылары мен жас мамандардың ұйымдастыруында қаламыздағы серіктес - нысаналы мектептер арасында тәжірибелік семинар-тренинг болып өтті. Мақсаты: оқушылардың мамандық таңдауына дұрыс бағыт беру, әсіресе педагогикалық мамандықтың қиындығы мен маңыздылығын түсіндіру болды. Педагогикалық сынып оқушыларымен бірлесіп «Педагогика әлемі: Теориядан тәжірибеге» тақырыбында ағылшын тілі мұғалімі Хуанбек Н., биология пәні Тогторхан Қ.М., «Заманауи мұғалімнің бейнесі» - қолданыстағы жаңа технологиялар» тақырыбында Асейтқызы Г, Турниязова А.А. практикалық-тренинг өткізді. Топтық жұмыстары викториналық сұрақтар ситуациялық көріністер, бейне жазбалар арқылы өткізгені қызықты болды. Сонымен қатар келген серіктес әріптестер GAMMA платформасында слайд жасауды, GYNZY платоформасы арқылы өз сабағын заманауи қызықты өткізудің әдістерін үйреніп қайтты. Әріптестердің оқушылар мен жас мамандарды осындай тәжірибелік семинарларға көптеп қатыстырсақ, жиі өткізіп тұрсақ деген пікірлері ескерілетін болады. Семинра-тренингінің жоғары деңгейде өтілуіне атсалысқан №4 ЖББМ пен №8 ЖББМ келген әріптестерге алғыс айтамыз.