Қарағанды облысы білім басқармасының білім беруді дамыту оқу әдістемелік орталығының ұйымдастыруымен Ә.Бөкейханов атындағы мектеп-лицейінде 15 ақпанда «Құқықтық навигатор» атты құқықтық сауаттылық апталығының үшінші күнінде мынадай іс-шаралар өткізілді.

8-9 сынып оқушыларына мектеп инспекторларының ұйымдастыруымен «Құқықтық экскурсиялар» өткізілді. Оқушылар заңды ұйымдарға экскурсия жасап, оларға құқық бұзушылықтың алдын алуы, құқық бұзушылықты болдырмау, тәртіп сақтау ережелері туралы біраз ақпараттар беріліп, мұражайларға экскурсия жасады. Кәсіптік бағдар беру бойынша тергеуші және т.б. мамандықтармен оқушыларды таныстырды.

Сонымен қатар, 9 сынып оқушылары арасында «Менің азаматтық құқықтарым» тақырыбында іскерлік ойындар өткізілді. Оқушылар белсенді қатысып, өз ойларын еркін жеткізе білді.

2-4 сынып оқушылары арасында «Эмоцияны басқару әдістері» тақырыбында танымдық ойындар өткізілді.

Мақсаты: Оқушыларға эмоция мен сезім адамның айналадағы өмір шындығына тигізер әсері туралы түсінік беру және эмоция мен сезімдерді қалай басқаруға болатынына үйрету. Оқушылар белсене қатысқан жаттығулардың бірі «Менің эмоцияларым» жаттығуы болды. Оқушылар шынайы эмоцияларын көрсетіп, керемет көңіл-күйде болды.

@shahtinsk_obrazovanie
@umckrg