Құлақтан кіріп, бойды алар, Әсем ән мен тәтті күй...

Қазақстан халқы Тілдер күніне арналған облыстық іс-шаралар жоспарының негізінде Ә.Бөкейханов атындағы мектеп-лицейінде
15 қыркүйек күні «Құлақтан кіріп, бойды алар, Әсем ән мен тәтті күй» атты ұлттық қазақ күйлерінің фестивалі өтті.

Бұл іс-шара ұлттық мәдениетіміз бен дәстүрімізді дәріптеуде, күй өнерінің құдіретін жас ұрпақтың бойына сіңіруде маңызды рөл атқарды. «Ата өнері – балаға мұра» демекші, мектеп-лицейіміздің өнерлі оқушылары ата-бабаларымыздан бүгінгі күнге дейін жеткен күй өнерін жоғары деңгейде меңгергендіктерін таныта білді.