Наурыз мерекесі қарсаңында қаламыздағы «Бастау» оқу-әдістемелік 

орталығы» КММ-нің ұйымдастыруымен айтыс өнеріне талабы бар оқушылар арасында «Асыл домбыра» атты жас ақындар айтысы болып өтті. Бұл іс-шараның мақсаты: қазақтың айтыс өнерін насихаттау және жас ұрпақтың  шығармашылық қабілеттерін дамыту. Осы додаға мектеп-лицейіміздің оқушылары:  Улгасбай Нұрислам мен Бақытбек Кәусар қатысып, қыз бен жігіт айтысының үздік үлгісін көрсетті. Сараның сіңлісі мен Біржан салдың сара жолын жалғастырған қос өнерпазға барша қауым риза болып, баталарын берді. Жас та болса өнерімен көзге түскен жас өнерпаздардың айтыс өнеріндегі алғашқы қадамы құтты болсын, тек жыр додасының биігінен көріне берсін!