Қазақ тілі апталығы  2023 жылдың 12 желтоқсан күні «Ана тілім - дана тілім» айдарында ортаңғы, ересек, мектепалды топтарында «Киіз үй – қазақтардың негізгі баспанасы» ұйымдастырылған іс-әрекет өткізілуімен жалғасын тапты. Қазақ балалар әдебиетінің жазушыларымен таныстыру мақсатында «Кітап-өмір ұстазы» атты кітап бұрышы ұйымдастырылды, жазушылар туралы мағлұмат берілді. Қазақ тілі кабинетінде ересек және мектепалды топтарының тәрбиеленушілеріне «Тілім менің – тірегім» атты презентация көрсетіліп, ортаңғы және ересек топтарының тәрбиеленушілерімен «Тілім – тірегім, соғып тұрған жүрегім» мәнерлеп оқу сайысы өткізілді. Тәрбиешілермен «Тәрбие басы – тіл» шығармашылық сайыс өтті. Ертегілерге қызығушылығы мен сүйіспеншілігін арттыру мақсатында барлық жастағы топтарда «Менің сүйікті ертегілерім» атты QR-кодпен ертегілер көрмесі ұйымдастырылды. Спорт залында тәрбиеленушілермен қазақтың ұлттық ойындары ойнатылды.