Ағымдағы жылдың  06-ыншы наурызында әжелер мектебінің жылдық жұмыс жоспарына сәйкес және «8-наурыз халықаралық әйелдер мерекесіне қарсаңында» Абай Құнанбаев атындағы №5 мектеп-гимназиясында «Шуағын төккен әжелер сайысы» өтті. Бірнеше кезеңнен құралған сайыс барысында Әжелер мектебінің өкілдері, мектеп-гимназиямыздың әжелері немерелерімен бірігіп өз өнерлерін көрсетті. Қара өлеңнің ұйқасымен өздерін таныстырып, қолөнер бұйымдарының жасалу жолын, ұлттық тағамдардың қоспаларын, дайындалу жолдарын түсіндіру арқылы бәсекеге түсті. Сайыс соңында әжелеріміз түрлі номинациямен марапатталды. Әжелер мектебінің өкілдері мектеп-гимназия ұжымына алғыстарын білдіріп, осындай ұлттық құндылыққа бағытталған, тәрбиелік мәні орасан зор жобалардың қатары көбейе беруін тілек етті. «Тағылым» әжелер мектебінің негізін салушы әрі жетекшісі Коккозова Ардақ Муратовна!