Ағымдағы жылдың  15-інші наурызында Абай Құнанбаев атындағы №5 мектеп-гимназиясында Наурыз мерекесін тойлау іс-шара жоспарының негізінде "Отбасы-бақыт мекені" тақырыбында 9-11 сынып оқушыларына "Өнегелі өмір" жиын сұхбаты өтті. Отбасылық ұстанымдары көпке үлгі болып жүрген Абдыхалықовтар отбасы және Хуспандар отбасы арнайы қонақ ретінде шақырылды.Аталмыш шара барысында отбасыларымыз бала тәрбиесі, өмірлік жолы, өмірлік ұстанымдарымен бөлісті. Хуспандар отбасының анасы Хуаныш Бижан көп балалы ана, ұлттық киімдерді насихаттап, тігуді жеке кәсіпке айналдырып жүрген кәсібінің қыр-сырымен бөлісті. Оқушылар сұрақтар қойып, өмірлік тәжірибелеріне қажетті мәліметтер алды. Шара соңында Абай ауданының ақын-жазушылар мүшесі Абдыхалықов Құзайра оқушыларды Әз-Наурыз мерекесімен құттықтап, сиясы кеппеген өлеңін тарту етті!