1 маусымда Балаларды қорғау күні Абай қаласының орталық саябағында мерекелік іс-шара өтті, онда концерттік бағдарламамен мәдениет үйінің, балалар өнер мектебінің және қала балабақшаларының балалар ұжымдары өнер көрсетті. Аудандық білім бөлімі "Қауіпсіз жаз - 2023" акциясын ұйымдастырды. Аталмыш акцияға Абай Құнанбаев атындағы 1-8 сынып оқушыларынан 100ге жуық оқушы қатысты.Саябақ алаңында Абай қаласының салауатты өмір салты  кабинетінің консультациялық пункті түрлі аурулардың алдын алу бойынша жадынамалар мен буклеттер таратып, медицина қызметкерлері түрлі жағдайларда зардап шегушіге алғашқы медициналық көмек көрсету ережелерін көрсетті. Топар кентінің судан  құтқару қызметінің қызметкерлері балаларды судан құтқару жабдықтарымен және суға батып бара жатқан адамды құтқару кезінде алғашқы көмек көрсету тәсілдерімен таныстырды. ТЖ бөлімінің қызметкерлері өрт сөндіру жабдықтарын өрістетуді және пайдалануды көрсетті, өрт қауіпсіздігі ережелері бойынша нұсқаулықтар өткізді. Полиция бөлімінің қызметкерлері жолдағы тәртіп ережелері мен құқық бұзушылықтың алдын алу туралы түсіндірді. Акцияға бес жүзден астам бала және Абай қаласы мектептерінің жүзден астам педагогтары қатысты. Сондай-ақ, білім беру ұйымдары саябақта "Отанды сүю жүректен" балалар-қолданбалы өнер көрмесін ұйымдастырды.  Аудандық ардагерлер кеңесі ұйымдастырған Ұлы Отан соғысындағы Жеңістің 78 жылдығына арналған жоғары сынып оқушылары арасында эссе мен өлеңдер байқауының облыстық және аудандық кезеңдерінің қорытындысы шығарылып, жеңімпаздар дипломдармен, ақшалай сыйлықтармен және естелік сыйлықтармен марапатталды. Халықаралық балаларды қорғау күніне арналған мерекелік іс-шаралар барлық білім беру ұйымдарында ұйымдастырылып, өткізілді.