«Баршаға қолжетімді сапалы білім» Ұлттық баяндамасын іске асыруда Бұқар жырау ауданының «Жол картасы» аясында 2024 жылдың 27 қарашасында «Көкпекті ЖББМ» КММ базасында «Оқыту мен тәрбиелеудегі құндылықтарды жаңа әдіс –тәсілдер арқылы жүзеге асыру» тақырыбында  аудан көлеміндегі семинар өтті.  Іс-шараның мақсаты: оқушылардың жеке тұлға ретінде қалыптасуына ұлттық құндылықтар негізінде білім мен тәрбие беру. Семинарға құзыреттілік орталық «Үштөбе тірек мектебі РО» КММ  және базалық потенциал мектептерінің  координаторлары, бастауыш сынып, мектеп алды даярлық сыныптарының  мұғалімдері шақырылды. Семинарға аталған мектептерден 27  мұғалім қатысты. 9 ашық сабақ өткізіліп, мұғалімдер заманауи білім беру технологияларын қолдану тәжірибесін көрсетті. Өзара қатысқан сабақтардың нәтижесінде жасалған қорытындыға сәйкес жасанды интеллект, D-ID технологиясы, кері байланыстың әр түрлері, ұлттық құндылықтарды іске асыруға арналған әдістер мен тәсілдер  бастауыш мектепте тиімді екені анықталды. Бұл білім сапасын арттырып, балалардың білім-білік дағдыларын, икемділіктерін жақсы меңгеруге ықпал етеді. Ашық сабақтардан кейін дөңгелек үстел ұйымдастырылып, семинарға қатысушылар аталған іс-шараларға талдау жасады. Барлық сабақтар оң бағасын алды.