"Кузнецк" көмір кенішінің директоры Козаченко Виталий Арсеньевич "Жүсіпбек Аймауытұлы атындағы ЖББМ" КММ әкімшілігінің мектепке ағымдағы жөндеу жұмыстарын жүргізуге көмек көрсету туралы жазбаша хатын бей-жай қалдырмады. Виталий Арсеньевич мектеп әкімшілігінің өтінішіне жауап беріп, өз атынан мектебімізге линолеум мен сантехника құралдарын сатып алуға қаражат бөлді. "Жүсіпбек Аймауытұлы атындағы ЖББМ" КММ ұжымы "Кузнецк" көмір кенішінің директоры В.А Козаченкоға көрсеткен көмегі үшін өз ризашылығымыз бен алғысымызды білдіре отырып, зор денсаулық, жұмыста табыс, отбасына амандық тілейміз. Сізді 1 қыркүйек- Білім күніне арналған салтанатты ілездемеге қадірлі қонақ ретінде шақырамыз. Виталий Арсеньевич мектепке, балаларға тегін көмек көрсетудің жарқын үлгісін көрсетіп, ауылымыздың, ауданымыздың әр азаматына үлгі бола білді деп ойлаймыз. "Балалар жылы" аясында балаларға көмек көрсетуден қалыс қалмайық!