Қазанның 12-сі күні М. Жұмабаев атындағы ЖББ мектебінде бастауыш сынып оқушыларымен "Берекелі, мерекелі алтын күз" атты мерекелік ертеңгілік өткізілді. Аталмыш шараның мақсаты - оқушыларға күз мезгілінің ерекшелігін көрсету, күздің жомарттығын көрсете отырып, күз байлығын бағалай білуге үйрету. Мерекеге бастауыш сынып оқушылары үлкен жауапкершілік танытып, жомарт күз туралы өлеңдер оқып, әндер шырқап, көкөністер айтысын көрсетіп, сахналық қойылым қойды. Сонымен қатар оқушылар би арқылы да күздің сұлулығын, байлығын көрсете алды. Күз мерекесі мазмұнды, қызықты өтті.