Олимпиада
Ағымдағы жылдың 9 қараша күні “Мағжан Жұмабаев атындағы ЖББ мектебінде ауыл мектептерінің 9-11 сынып оқушыларына арналған жалпы білім беретін пәндер бойынша республикалық олимпиаданың мектепшілік кезеңі өтті. Олимпиаданың мақсаты мен міндеттері – шығармашылық қабілеттерін дамыту, теориялық білімі мен практикалық дағдыларын тереңдету, жеке тұлғаның өзін-өзі дамытуына ықпал ету, дарынды балаларды анықтауға жағдай жасау.
Бірінші (мектепішілік) кезеңге 55 оқушы қатысты. Олимпиада қоғамдық-гуманитарлық және жаратылыстану-математикалық бағыттары бойынша оқытылатын 10 жалпы білім беретін пәндер бойынша өткізілді.
Мектепішілік олимпиаданың жеңімпаздары республикалық олимпиаданың аудандық кезеңіне қатысуға жолдама алды. Аудандық олимпиадаға қатысушыларымызға сәттілік тілейміз!
