Желтоқсанның 1 күні " Зорлық - зомбылықсыз 16 күн" іс - шара аясында мектебіміздің педагог - психологы Айнұр Жомартқызы мен әлеуметтік педагогы Гүлсара Ерболатқызы оқушылар арасында " Зорлық - зомбылықсыз балалық шақ " тақырыбында психологиялық науқанын ұйымдастырып өткізді. Науқанның мақсаты: Оқушыларға зорлық - зомбылық туралы мағлұмат беру, адамның жаны мен тәніне үлкен зардап әкелетін соққы екенін түсіндіру, балаларға өз орталарында мейірімді болуға, бұзақылық істерге бармауға, бойларындағы адами қасиеттерін сақтауға тәрбиелеу. Науқан кезінде оқушылар " Додокаэдр" әдісі арқылы зорлық - зомбылық тақырыбында сұрақтарға жан - жақты дұрыс жауап беріп, тәтті сыйақы алды. Бұдан басқа оқушылар " Бала құқығы" ағашына өздерінің құқықтары мен міндеттерін жазып қойды. Шара соңында балалар науқаннан алған әсерлерімен бөлісіп, бір - біріне жылы лебіздерін білдірді. Оқушыларымызға бақытты балалық шақ тілейміз!