"Педагог-мәртебелі мамандық"
Мектебімізде "Өнегелі өмір" жобасы аясында "Педагог-мәртебелі мамандық" тақырыбында зейнеткер ұстаздармен кездесу өткізілді.
Оқушылар көп жыл еңбек жолың болашаққа арнаған аяулы ұстаздарға арнап өлең шумақтарын оқып, күмбірлеген күй орындап, сыр сұхбатымыз әдемі леппен өз жалғасын тапты.
Зейнеткер ұстаздар оқушыларға жүрекжарды ізгі тілектерін айтып, ақ батасын берді.
Аталған іс-шара балалар мен ұстаздардың арасындағы сыйластықты одан әрі күшейте түсті. Үлгі тұтар ұстаздардан әлі де болса алатын тәлім-тәрбиелерінің мол екендігін көрсетті.
Іс-шара соңында мектебіміздің директоры Жанкуатова Күлпаш Даукесовна зейнеткер ұстаздардың бiлiм мен ғылым саласындағы ерен еңбегі үшін алғыс білдіріп, зор денсаулық, ұзақ та мағыналы ғұмыр, ырыс пен ынтымақ, бақыт пен береке тілеп, Қазақстан Республикасы оқу-ағарту министрі Ғани Бейсембаевтың алғыс хатымен марапаттады.
