Ағымдағы жылдың 23-қазанында Республика күніне орай Мағжан Жұмабаев атындағы ЖББ мектеп-гимназиясы бойынша Республикалық бірыңғай «Жас Ұлан», «Жас Қыран» балалар мен жасөспірімдер ұйымы қатарына қабылдау рәсімі салтанатты түрде ұйымдастырылды. Мақсаты: қоғамдық өмірде, тұрмыста, қазақ ұлттық болмыста, халықтық келбетпен қалыпты сақтай отырып, ата-анасын шынайы сыйлап, олардың өнегелі қасиеттерін бойға сіңіріп, өсиеттерін орындауды перзенттік парыз деп түсіну; туған елін шексіз сүю; бүгінгі  жас азаматтарды еліміздің нағыз патриоттары, өзгерістерден қаймықпайтын, еңбекқор, білімге құштар, өзін-өзі жетілдіруге үнемі ұмтылатын, өршіл, қайсар етіп тәрбиелеуді, дәстүрімізді, ұлттық және жалпы адамзаттық құндылықтарымызды қастерлейтін рухани дүниесі кең тұлғаны қалыптастыруды көздейді. Осы мақсаттарға жету барысында бүгінде мектебіміз  бойынша 25 оқушы ұйымға қабылданып,  «Жас Ұлан» Ережесін бұлжытпай сақтауға және оны өз достарынан талап етуге ант етті.