Наурыз мерекесі қарсаныңда Мағжан Жұмабаев атындағы жалпы білім беретін мектеп- гимназиясында «Ұлттық құндылықтар – ұлт қазынасы» атты көркемсурет көрмесі өткізілді.5-10 сыныптарды қамтыған бұл көрмеге сурет салуды ұнататын, қабілетті 11 оқушы қатысты. Жобаға қатысқан оқушылар мектебіміздің «Қылқалам шеберлері» деген төсбелгісімен марапатталып, үлкен абыройға кенелді. Оқушылардың шығармашылық жұмыстары арқылы халқымыздың ұлттық, мәдени мұрасын сақтау, жаңғырту және насихаттау мақсатында жылдан жылға дәстүрге айналған көрме, келесі жылы одан да көп туындылармен жалғасын табады деген үміттеміз.