Нұра ауданы ішкі саясат бөлімі М.Жұмабаев атындағы жалпы білім беретін мектеп-гимназиясының мұғалімдерімен «Сенімен болашақ» республикалық ата-аналар қоғамдық бірлестігінің Қарағанды облыстық филиалының директоры Тоқмурзина Индира Жанұзаққызымен кездесу ұйымдастырды. Сонымен қатар кездесуге арнай «Қарағанды облысы әкімінің аппараты» мемлекеттік мекемесінің кәмелетке толмағандардың құқықтарын қорғау және отбасылық-демографиялық саясат жөніндегі бас инспекторы Карисова Ғайни Сәтжанқызы , Қарағанды облысының Іскер әйелдер қауымдастығының төрайымы Арыстанова Наталья Ивановна қатысты.

Шара барысында отбасындағы тәрбие, әке мен ананың рөлі, зорлық-зомбылық мәселелері қозғалды, сонымен қатар Индира Жанұзаққызы отбасылық құндылықтар, саналы ұрпақ тәрбиелеп өсіру, бақытты отбасы моделін қалыптастыру бағытындағы жұмыстар жайлы кеңінен ақпарат берді.

Бала тәрбиесі күн тәртібіндегі бас­ты мәселе болудан еш толастаған емес. Желкілдеп өсіп келе жатқан жас шыбықтың бойына тәрбиенің дәнін егу, оның бойына ұлттық құндылықтарды сіңіру – әрдайым өзекті мәселе.Отбасының қамалы берік болса, Отанымыздың іргесін де ешкім сөге алмайды.

Кездесу соңында мектеп директоры Елтай Жанарыс Саятұлы мен директордың тәрбие-ісі жөніндегі орынбасары Орынтай Март өз алғыстарын білдірді.