2025 жылғы 5 қыркүйек күні Мағжан Жұмабаев атындағы жалпы білім беретін мектеп-гимназиясының 7 "Ә" сыныбында сынып жетекшісі Бауыржан Жанеркенің ұйымдастыруымен "Буллингтен қорғану. Жеке шекара" тақырыбында тәрбие сағаты өткізілді. Сынып сағаты оқушыларды шаттық шеңберіне біріктіруден басталды. Шара барысында оқушылар буллинг ұғымы туралы өз пікірлерін ортаға салып, өмірлік мысалдар арқылы тақырыпты талқылады. Сабақтың басты мақсаты – оқушыларға буллингтен қорғанудың жолдарын түсіндіру және жеке шекараны қалыптастыру болды.

 

Сынып сағатының соңында оқушылардың бірлігін нығайту мақсатында қыз балалар ұл балаларға жүрекжарды жылы лебіздерін білдіріп, шағын сыйлықтар табыс етті. Іс-шара оқушылардың бір-біріне деген құрметі мен сенімін арттыруға бағытталды.