«Өнегелі өмір» жобасы
22 қыркүйек күні мектебімізде «Еңбек күніне» орай, «Өнегелі өмір» жобасы аясында «Еңбекпен өрілген өмір» тақырыбында мыңдаған шәкірттерді білім нәрімен сусындатқан, мектебімізде ұстаз болып, зейнетке шыққан ардақты ұстаздарымызбен кездесу ұйымдастырылды.
Ұстаз – ұлағатты есім. Шәкірттерін білім нәрімен сусындатып, тәлім-тәрбие беру, жақсы қасиеттерді бойына дарытып, адамгершілік рухта бағыт-бағдар беруде еңбегі зор.
Сондай ұстаздардың қатарына мектебімізде 37 жыл ұстаздық еткен Сакенова Бағила Қоржынбайқызы,
39 жыл жұмыс жасап зейнеткерлікке шыққан
Билялова Гульназ Сейтханқызы,
26 жыл ұстаздық еткен Нукушева Амина Шакировна,
21 жыл ұстаздық еткен Нукушев Усейн Бакишевич және 26 жыл ұстаздық етіп келе жатқан, зейнеткер ұстазымыз Жакупова Маржан Дүйсенбекқызы.
Ұлағатты ұстаздарымызбен сыр-сұхбат барысында өскелең ұрпақпен ұстаздық жолдың қиыны мен қызығы қатар жүретін сәттерімен ой бөлісіп, жоғары сынып оқушыларына ел үшін еңбектену, білімді болуға қол жеткізу, тәуелсіздікті ұстап тұру үшін күресу жас ұрпақтың еншісінде екендігі туралы ой қозғап, оқушылардың қойған сұрақтарына тәлімі мен тағылымы мол, мазмұнды жауаптар берілді.
