«Алау» командасы топ жарып І орынға ие болды.
2024 жылдың 17 сәуірінде «Алау» және «Ұлан» әскери-спорттық жарыстан аймақтық кезеңі Нұра ауданы Қ. Шайменов атындағы ЖББ мектебінде өткізілді. Жарысқа А. Асылбеков, Р. Асубаев, С. Сейфуллин, М.Дулатов, Қ. Шайменов атындағы ЖББ мектептерінің «Алау» жарысына 5-8 сынып оқушылары «Ұлан» жарысына 9-11 сынып оқушылары қатысты.
Жарыстың мақсаты оқушыларға әскери-патриоттық тәрбие беріп, Отанға деген сүйіспеншілікті дарыту. Әскери-спорттық жарыстар өткізу барысында оқушылар өз күш-жігерлерін дамытып, патриоттық сезімдері оянады. Мұндай іс-шараларда оқушылар алғырлық, жауапкершілік, шеберлік танытады. Жарыста мылтық ату, белтемір кеуде көтеру, автоматты бөлшектеу-жинақтау, жүгіру сияқты түрлі әскери-спорттық сайыстар өткізілді.
Бұл сайыста А. Асылбеков мектебінің 5-8 сынып оқушылары арасынан құралған «Алау» командасы топ жарып І орынға ие болды. Осы команданың командирі Ахантаев Алпамыс «Ең үздік командир» атанды.
9-11 сынып арасынан құралған «Ұлан» командасынан 11 сынып оқушысы Ахметов Алтынбек белтемір тартылудан ІІ орынға ие болды. 9 сынып оқушысы Ережепова Назерке кеуде көтеруден І орынды иеленді. 8 орыс сынып оқушысы Брехунец Ксения автоматты бөлшектеу-жинақтиаудан І орын иеленді. Аймақтық жарыстың қорытындысымен мектебіміздің 5-7 сынып оқушыларынан құралған «Алау» командасы 26 сәуір күні аудандық әскери-патриоттық жарысқа жолдама алды. ҚҰТТЫҚТАЙМЫЗ!
