«Жаңару күні»
19.03.2025 ж Абдолла Асылбеков атындағы жалпы білім беретін мектептің мектепалды сыныбында Наурызнама онкүндігі аясында «Жаңару күні» аталып өтті. Бұл күннің басты мақсаты – балаларға ұлттық дәстүрлерімізді насихаттап, көктемгі жаңарудың маңызын түсіндіру болды. Сонымен қатар, ата-аналардың белсенді қатысуымен арнайы мерекелік шаралар ұйымдастырылды.
Балалар ұлттық киімдерін киіп, ән айтып, би биледі. Тәрбиешілер мен ата-аналар ақ дастархан жайып, Наурыз көже әзірледі. Бүлдіршіндерге Ұлыстың ұлы күні туралы әңгімелер айтылып, көктемнің келгені ерекше қуанышпен қарсы алынды.Сондай-ақ, балалар асық ату, арқан тартыс, теңге ілу сынды ұлттық ойындар ойнап, мерекенің сәнін кіргізді.
Наурыз құтты болсын! Жаңа жыл жақсылық пен береке әкелсін!
