23.05.24 жылы «№ 13 жалпы білім беретін мектебі» КММ-де «Өнегелі өмір» жобасын іске асыру аясында 11-сынып оқушыларымен «Оларды мектеп мақтан тұтады» атты іс-шара өткізілді. Оқушылар мектептің даңқын асырып жүрген түлектер және олардың кәсіби қызметі туралы презентацияны тамашалады. Мектебіміздің түлектері - Отанымыздың әр түкпірінде, жақын және алыс шет елдерде тұратын әр түрлі мамандықтағы адамдар. Олардың арасында мұғалімдер мен құрылысшылар, жұмысшылар мен кәсіпкерлер, құқық қорғау органдарының қызметкерлері мен кәсіпорын басшылары, армия офицерлері мен дәрігерлер бар. Бұл адамдардың барлығы білімдерін біздің мектептен алып шықты. Олардың әрқайсысы туралы естелік мектеп қабырғасында сақталып отырады. Мектеп өз түлектерін мақтан тұтады.