05.09.2022ж

Қарағанды облысы білім басқармасының, Шет ауданы білім бөлімінің Шәкәрім атындағы ЖББМ Республикалық «Мектепке жол» акциясы 

Акцияның ұраны: Мектепке жол-Шекарасыз жақсылық.

Қазақстан Республикасының әрбір азаматы халықтың әлеуметтік осал топтарынан шыққан балаларды мектепке дайындауда атаулы көмек көрсетуде азаматтық белсенділік таныта алады, оның мектепке жолы қуанышты болуы үшін әрбір балаға шынайы қамқорлық пен назар аудара алады.

Акцияның мақсаты-аз қамтылған және көп балалы отбасылардан шыққан оқушыларға, жетім балаларға, сондай-ақ ата-анасының қамқорлығынсыз қалған балаларға оқу жылының басталуына дайындық кезінде материалдық қолдау көрсету және әлеуметтік себептер бойынша балалардың мектепке келмеуінің алдын алу.

Республикалық “Мектепке жол” акциясы аясында Қамқоршылық кеңесінің мүшесі және жеке кәсіпкер Амрин Абдықадыр белсене қатысып, мектептегі әлеуметтік осал топ оқушыларына мектепке қажетті құралдармен және мектеп сөмкесімен қамтасыз етті. Қамқоршылыққа алынған оқушыға қысқы аяқ киім, спорттық аяқ киім, бас киіммен және мектеп сөмкесімен қамтасыз етті. Сонымен қатар Республикалық «Мектепке жол» акция аясында ТОО “Шерубай-Су” директоры Шибанов Сергей Александрович Әлеуметтік осал топ оқушыларына мектепке қажетті құрал-жабдықтармен және мектеп сөмкесімен қамтасыз етті.