«Білім туралы» Қазақстан Республикасы Заңының 31-бабына, Қазақстан Республикасы Білім және ғылым министрлігінің 2018 жылғы 12 қазандағы №564 (ҚР Білім және ғылым министрінің 24.06.2020 №264 бұйрығымен өзгерістер мен толықтырулар енгізілген) бұйрығына сәйкес 2023-2024 оқу жылында 1-сыныпқа құжаттарды қабылдау ағымдағы жылдың 01 сәуірінен басталып 01 тамызға дейін жалғасады. 1 сыныпқа 6 жастағы балалар қабылданады. Сонымен қатар, 31 желтоқсанға дейін алты жасқа толған балалар да бірінші сыныпқа бара алады. Осакаров ауданының мектептерінде 1-сыныпқа қабылдау «e.bilimal.kz» порталы, сондай-ақ, «электрондық үкіметтің» «egov.kz» веб-порталы арқылы жүзеге асырылады. Биылғы жылы баланы бірінші сыныпқа бергісі келетін ата-аналар (заңды өкілдер) 2023 жылдың 01 сәуірінен 01 тамызына дейін «e.bilimal.kz», «egov.kz» порталдарына тіркеліп, өтініш беруі тиіс. Өтінім кез келген компьютерден, гаджеттен бірінші сынып оқушысының ата-анасының (заңды өкілінің) электрондық-цифрлық қолтаңбасын (ЭЦҚ) пайдалана отырып жіберіледі.