Жаңа оқу жылының басталуына байланысты «Өнегелі өмір» жоба аясында “Ұлағатты ұстазды ұлықтау” мақсатында педагог- ұйымдастырушы Ханан Күлмесхан мен гимназияның 6 “А” сынып оқушылары СССР халық ағарту ісінің үздігі”, “Ы.Алтынсарин медалінің” иегері, қазірде қаламыздың құрметті азаматы, Теміртау қаласындағы “Тұңғыш қазақ орта мектебін” ашқан ардагер ұстазымыз Ахметова Дариға Хамзақызымен кездесіп, сұхбаттасып қайтты. Кездесу барысында, оқушылар мектеп тарихы, ардагер ұстаздардың еңбегі туралы т.с. сұрақтар қойып, алғыстарын айтып, Дариға Хамзақызына сый-сияпатын көрсетіп және “Білім күнімен” құттықтап, батасын алды.
Кездесу мақсаты: Білім беру саласындағы ұзақ жылғы жемісті еңбектері және жас ұрпақты оқыту мен тәрбиелеуде жеткен жетістіктері үшін аяулы ардагер ұстазымызға құрмет көрсету.