9–11 сынып қыздары арасында мини-футболдан қалалық мектеп лигасы
2025 жылдың 7–8 қазан күндері 9–11 сынып қыздары арасында мини-футболдан қалалық мектеп лигасы өтті. Жарысқа 5 мектеп командасы қатысып, олар өзара топтарға бөлінді. Әр топтың жеңімпаздары жүлделі орындар үшін финалдық ойындарға жолдама алды.
Финалдық ойындар №7 орта мектеп базасында өтті.
3–4 орын үшін ШЛ С. Сейфуллин атындағы және ОШ С. Асфендияров атындағы мектеп командалары кездесті. Қызу тартыс нәтижесінде пенальти сериясы бойынша 3 орынды ОШ С. Асфендияров атындағы команда иеленді.
1–2 орын үшін өткен кездесуде №6 және №7 орта мектеп командалары өзара бақ сынасты. Ойын нәтижесінде №6 мектеп командасы күміс жүлдегер атанса, №7 орта мектеп командасы қалалық мектеп лигасының чемпионы атанды.
Жеңімпаздарды құттықтаймыз! Барлық қатысушыларға табандылықтары, спорттық рухтары мен әсерлі ойындары үшін алғыс білдіреміз!
