Ағылшын тілі пәні апталығының үшінші күні
Қарағанды облысы білім басқармасының Шахтинск қаласы білім бөлімінің “Ә.Бөкейханов атындағы мектеп-лицейі” КММ-де ағылшын тілі пәні апталығының үшінші күнінде шығармашылық пен қиялға толы ерекше күн өтті!
3–4 сыныптар: Оқушылар сүйікті кітаптарының желісімен көркем постерлер дайындап, шығарманың мазмұнын шығармашылықпен жеткізді. "Reading Poster Contest" байқауы ерекше қызығушылық тудырды.
5–7 сыныптар: “Story Comics Challenge” аясында оқушылар оқыған туындылары бойынша комикстер құрастырды. Қиял мен көркемдік үйлескен жұмыстар көпшілікті тәнті етті.
8–9 сыныптар: “Book Trailer Challenge” байқауында оқушылар шығармаларға бейнежарнама жасап, әдебиетке деген жаңаша көзқарасын танытты.
10–11 сыныптар: “The Relevance of Literature in the Modern World” пікірсайысында оқушылар әдебиеттің бүгінгі қоғамдағы орны жайлы ой қозғады.
Бүгінгі күн – оқушылардың тілдік дағдысымен қатар, креативті ойлау қабілеттерін шыңдауға бағытталды.
Барша белсенді қатысушылар мен жетекшілерге алғысымызды білдіреміз!
