Жастарды қолдау
«Jas Fund» Қарағанды облысының дарынды жастарды қолдау қоры республикалық және халықаралық деңгейдегі көшпелі шығармашылық іс-шараларға қатысуды қамтамасыз ету үшін, сондай-ақ жастарға арналған зияткерлік, шығармашылық және қоғамдық іс-шараларды ұйымдастыру және өткізу үшін қаржылық қолдау алуға өтінімдер қабылдаудың жалғастыруы туралы хабарлайды.
Жобаның мақсаты - зияткерлік және шығармашылық клубтарды, жастар қоғамдастығын дамыту үшін жағдай жасау.
Жастар шығармашылық ұжымдары, жастар қоғамдық және шығармашылық бірлестіктері, бастамашыл топтар, сондай-ақ 14 жастан 28 жасқа дейінгі (қоса алғанда) жастардың жекелеген өкілдері өтінім бере алады.
Тілек білдірушілер jasfundkrg@gmail.com электрондық поштаға бір PDF файлмен өтінім беруі қажет.
Байланыс деректері: 8 777 573 35 91, 8 778 595 30 79.
