Балалардың өмірі мен денсаулығының басымдығы, оның ішінде сапалы тамақтануды ұйымдастыру мәселесі денсаулық сақтау және білім беру саласындағы мемлекеттік саясаттың негізгі қағидаттарының бірі болып табылады.

Қазақстан Республикасының Білім және ғылым министрлігі, Қазақстан Республикасының Денсаулық сақтау министрлігі "Білім беру ұйымдарындағы тамақтану сапасына мониторинг жүргізу жөніндегі комиссиялар, білім беру ұйымдарындағы тамақтану сапасына мониторинг жүргізу жөніндегі ведомствоаралық сараптама топтары қызметінің тәртібі" ұсынымдарын әзірледі. Осыған байланысты азық-түлік сапасын бақылау жөніндегі ведомствоаралық сараптама тобы біздің мектепке де барды. Сараптамалық топ бірқатар тексеру шараларын өткізді: Мемлекеттік қызмет көрсету құжаттамасын, өнім сапасы бойынша құжаттарды, апта сайынғы мәзірді, азық-түлікті сақтау шарттары мен мерзімдерін тексерді.