Ағымдағы жылдың 17 мамырында Абай Құнанбаев атындағы №5 мектеп-гимназиясында Халықаралық музейлер күніне орай Абай Құнанбаев атындағы әдеби мемориалды музейдің ұйымдастыруымен облыстық «Ақниет» ардагерлер халық аспаптар ансамблінің мерекелік бағдарламасы өтті. Мерекелік кешке «Тағылым» әжелер мектебінің мүшелері, ардагер ұстаздар арнайы қонақ ретінде қатысты. Ақниет ардагерлер халық аспаптар ансамблі қазақ халық әндерін, эстрадалық әндер, дәстүрлі әндер орындады. Шара соңында Абай Құнанбаев атындағы әдеби мемориалды музейінің директоры Коккозова Ардақ Мұратовна шараға келген қонақтарды музей күнімен құттықтап, қатысушыларға алғыс білдірді.