Көктемгі демалысқа арналған жұмыс жоспарына сәйкес 2025 жылдың 27 наурыз күні 6 «А» сынып оқушылары арасында ұлттық «Асық» ойыны ұйымдастырылды. Қыздар «Бес асық» ойынын қызыға ойнап, түрлі комбинацияларды орындауда ептілік пен дәлдік танытты. Ұлдар «Асық ату» ойынына қатысып, нысанаға дәл тигізуден жарысты. Ойындар достық жағдайда өтіп, балалар көңілді уақыт өткізіп қана қоймай, қазақ халқының салт-дәстүрлерімен де танысты. Іс-шара нәтижелерді қорытындылаумен және ең дәл ойыншыларды марапаттаумен аяқталды.