"Мектепке жол" акциясы
Мичурин орта мектебі "Мектепке жол" акциясының басталғанын хабарлайды.
Акцияның мақсаты-аз қамтылған, көп балалы, тұрмысы төмен отбасылардағы балаларға, жетім балаларға, ата-анасының қамқорлығынсыз қалған балаларға әлеуметтік көмек көрсету, әлеуметтік себептер бойынша балалардың мектепке келмеуінің алдын алу.
Биылғы жылы қайырымдылық акциясына ерекше назар аударылып, биылғы жылы акция "Жақсылық жаса"ұранымен өткізілуде.
Облыстың білім беру ұйымдарында оқушыларға мектепке дайындалуға көмек көрсету бойынша жұмыстар жүргізілуде. Көмекке мұқтаж балалардың мәліметтер базасы құрылды. Азаматтардың өтініштеріне жедел ден қою үшін "жедел желілер", "сенім" телефондарының жұмысы ұйымдастырылды.
Сонымен қатар, демеушілерді, әлеуметтік серіктестерді, мемлекеттік құрылымдарды қайырымдылық көмек көрсетуге тарту бойынша жұмыстар жүргізілуде. Айта кетейік, республикалық акция күнтізбелік жыл бойы жалғасатын болады.
Балаларға мектепке дайындалуға көмек көрсеткісі келетіндер тұрғылықты жері бойынша білім бөліміне немесе тікелей білім беру ұйымына жүгіне алады.
