1 ҚАЗАН ҚАЗЫНАЛЫ ҚАРТТАР КҮНІ!!!
1 ҚАЗАН ҚАЗЫНАЛЫ ҚАРТТАР КҮНІ!!!
1 қазан – Халықаралық «Қарттар күніне» орай, "Ы. Алтынсарин атындағы ТМ (РО)" КМ мектебінің жас маман мұғалімдері мен 7-10 сынып оқушылары зейнет жасындағы ардагер ұстаздарымызға барып қарттарды құттықтап шықты.
Сіздерді 1 қазан Халықаралық қарттар күні меркесімен шын жүректен құттықтаймыз. Сіздер кейінгі ұрпақты ізгілік пен мейірбандылыққа, Отанымызға адал қызмет етуге, айналадағы адамдардың өмірге, қоғамға деген оң көзқарасын қалыптастыруға үйретіп келесіздер.
«Қарты бар елдің қазынасы бар» дейді халқымызда. Ел мүддесін бәрінен биік қойып, ұрпағына ұлылығын ұялата білген ардагерлерімізді құрметтеу – азаматтық парызымыз. Сіздердің жүріп өткен жолдарыңыз, абыройлы еңбектеріңіз – жас ұрпақ үшін әрдайым үлгі-өнеге.
Сіздерді тағы да төл мерекелеріңізбен құттықтай отырып, дендеріңізге саулық, отбасыларыңызға бақыт, берекелі де ұзақ ғұмыр тілейміз!
Мектеп әкімшілігі
