Таза Қазақстан
“Таза Қазақстан” экологиялық сауаттылық апталығы аясында шеберлік сабағы өтті
2025 жылғы сәуір айында “Таза Қазақстан” экологиялық сауаттылық апталығы шеңберінде “Экологиялық білім беру және жастарды экологияға тарту” тақырыбында онлайн форматта семинар-шеберлік сабағы ұйымдастырылды.
Аталған іс-шара “Жасыл клуб” бағыты бойынша өткізілді. Шеберлік сабақты 5 “А” сыныбының жетекшісі, тәжірибелі ұстаз — Махметова Шынар Мықтыбайқызы жүргізді.
Іс-шара барысында оқушылардың экологиялық сауаттылығын арттыру, табиғатқа деген жауапкершілікті қалыптастыру, сондай-ақ жастардың экологиялық бастамаларға белсенді араласуын қамтамасыз ету мәселелері кеңінен қарастырылды.
Семинар шеңберінде оқушылар өз қолдарымен қайта өңделетін материалдардан эко ойыншықтар жасап, шығармашылық қабілеттерін көрсетті. Бұл тапсырма балаларға табиғатты сақтаудың және қайта қолданудың маңыздылығын ұғынуға көмектесті. Эко ойыншықтар жасаудың өзі қоршаған ортаға деген жанашырлықты арттырудың бір әдісі ретінде танылды.
Семинар қатысушылары экологиялық мәдениеттің маңыздылығы мен жас ұрпақтың табиғатты қорғаудағы рөлін терең түсінді.@oqu_agartu_ministrligi
