«Таза Қазақстан» экологиялық акциясы аясында мектебімізде сенбілік ұйымдастырылды. Іс-шараның басты мақсаты — оқушыларды табиғатты қорғауға, тазалықты сақтауға тәрбиелеу және қоршаған ортаға жанашырлықпен қарауға баулу. Сенбілік барысында мектеп ауласы, айналасы және жақын маңдағы қоғамдық орындар тазартылып, қоқыстар жиналды. Іс-шараға мұғалімдер және қызметкерлер белсенді қатысып, ұжымдық еңбек пен экологиялық мәдениеттің маңыздылығын көрсетті. Мұндай шаралар өскелең ұрпақты табиғатты аялауға, тазалыққа жауапкершілікпен қарауға үйретеді.