Мектебімізде жоғары сынып оқушы қыздармен өте маңызды әрі актуалды тақырыпта “Жыныстық сауаттылық және ерте жүктілік” атты ашық отырыс өтті.

Отырыстың мақсаты:

Бұл кездесудің басты мақсаты – қыздарымыздың болашағын қорғауға бағытталған білімді қаруландыру және жауапкершілікті қалыптастыру.

• Білімді арттыру: Жыныстық денсаулық, қарым-қатынас мәдениеті, контрацепция әдістері және ЖИТС/АИТВ-ның алдын алу туралы ғылыми негізделген ақпарат беру.

• Ерте жүктіліктің алдын алу: Жеткіншек жастағы жүктіліктің медициналық, психологиялық және әлеуметтік салдарын түсіндіру арқылы жауапты шешім қабылдауға үйрету.

• Денсаулыққа жауапкершілік: Әр қыздың өз денесіне, денсаулығына және өміріне қатысты саналы және жауапты таңдау жасауға дағдыландыру.

Отырыс барысында келесі тақырыптар талқыланды:

1. “Жоқ” деу құқығы: Жеке шекараны белгілеу және оны қорғай білу маңыздылығы.

2. Аңыз-әңгімелерді жоққа шығару: Денсаулыққа қатысты жалған ақпараттарды анықтау.

3. Кәсіби көмек: Қажет болған жағдайда дәрігер-гинеколог немесе психологқа жүгінудің маңызы.

Құрметті Нұра ауданының аудандық орталық ауруханнасының СӨС дәрігері Ахмедина Б.С.,а кушер-гинеколог дәрігері Рахимберлинова Ә.Б.,психолог Козодой Н.А. және Нұра ауданының ПБ ҚҚБ ОЗЗЖН аға инспекторы полиция майоры Бейсекеева М.З.! Сіздердің бірлескен күш-жігеріңіздің арқасында қыздарымыз өздерінің денсаулығына, болашағына және өміріне қатысты маңызды ақпарат алып, үлкен саналылық қалыптастырды. Рақмет сіздерге!