Қоғамда " Буллинг мектеп оқушылары арасында ғана болады" деген түсінік қалыптасқан. Шын мәнінде, кез келген жастағы адам үйде, көшеде, оқу орнында, яғни барлық жерде буллингке ұшырауы мүмкін. Осы орайда мектебіміздің педагог  - психологы,  балалар қауіпсіздігі бойынша аудандық деңгейдегі мектеп жаттықтырушысы А.Ж.Сулейменова қыркүйек айының 27 жұлдызында өткен жалпы мектепішілік ата  - аналар жиналысында  ата  - аналар мен ұстаздар қауымына " Буллинг және оның алдын алуы" тақырыбында құнды ақпараттармен бөлісіп, мектептегі психологиялық қызметінің негізгі бағыттарын айтып шықты. Сонымен қатар ата  - ананың бала тәрбиесіндегі қарым  - қатынасы туралы тренинг элементтерін қолдана отырып,  егжей  - тегжейлі түсіндірме жұмыстарын жүргізді. Жиналыстың соңында  " Буллинг және оның алдын алуы " тақырыбында ата - аналарға жадынамалар таратты.