"Атадан бота қалғанша,бата қалсын"
Желтоқсанның 4-ші жұлдызы мектебіміздің 10-сынып оқушылары және Жас Сарбаз сыныбының оқушылары Аталар мектебінің беделді мүшесі Үмбетхан атамен кездесу өткізді. Ақсақалдар және бата беру күніне орай ұйымдастырылған шараның мақсаты: болашақ ұрпаққа қариялар, ізгі үлкендер арқылы еліміздің ұлттық құндылықтарын санасына сіңіру. Тілі мен діні, тарихы мен салт-дәстүрі, рухани мәдениетке тәрбиелей отыра күнделікті өмірде қолдануға баулыту.
Шара барысында "Атадан бота қалғанша,бата қалсын"- деген мақал негізінде бата жөнінде ақпарат алып "Бес қадам" әдісі арқылы оқушылар ақсақалымызға игі тілектерін білдірсе, атамыз өсиет-өнегесін айтып, ата тектік белгілер бойынша орындалған жаттығуларды саралап, бата түрлерінің бірі "Тектінің батасы" атты бейнебаян тамашалап, оқушыларымыз өз кезегінде орнықты ойларын айтып, атамыз оқушыларға өз батасын беріп шара соңы әдемі көріністе түрілді. Атамыздың батасы дарып, бағы қонған ұрпақ болайық!
