“Экологиялық күнтізбе”
Мамыр айының он үшінші жұлдызында “Экологиялық күнтізбе” экологиялық сауаттылық апталығы басталды. Мақсаты: мектепке дейінгі балалар мен олардың ата-аналарына қоршаған ортаны қорғауға және экологиялық білімдерін кеңейтуге ықпал ету.
Апталықтың бірінші күнінде “Балдырған” шағын орталық тәрбиеленушілерімен “Менің туған өлкем”, “Жер планетасына қауіп төніп тұр” тақырыптарында әңгіме жүргізілді.
“Айгөлек” тобының бүлдіршіндерімен “Көктемгі орманнан не көрдік” қиял ойыны ойнатылды. Балалар ойынға белсенді қатысты.
Сонымен қатар мектепалды сынып оқушыларына табиғат,жануарлар туралы жұмбақтар жасырылып, өсімдіктер туралы тақпақтарды жатқа айтты.
“Кітапқа екінші өмір сыйлайық! Бір ағашты құтқарайық!” тақырыбында кітап бұрышындағы жұмыс өткізілді. Балалар ескі кітаптарды жөндеді.
