Бүгін наурызнама бойынша қайырымдылық күні. Сондай-ақ мейірімділік пен татулық насихатталатын күн. Қайырымдылық тек материалдық көмек көрсетуде ғана емес, рухани қолдау, көңілі жүдеу адамды жылы сөзбен жігерлендіру де маңызды. Бұл игі дәстүр қоғамда жанашырлық, мұқтажға көмек беру және жақсылық жасауға деген ұмтылысты арттырады. Демек, Наурыз мейрамы өзара көмек пен қайырымдылықтың да мерекесіне айналып келеді.

Осы мақсатта білім беру бөлімінің бастауымен аудан орталығында орналасқан Мағжан Жұмабаев атындағы ЖББМГ, Шоқан Уалиханов атындағы ЖББМ және Ыбырай Алтынсарин атындағы Тірек мектебі ұжымдарымен бірлесе мерекелік іс-шара ұйымдастырылды.

Шара барысында Мағжан Жұмабаев атындағы ЖББМГ ұжымы «Бесікке салу» рәсімін, «шолпы тағу» дәстүрін көрсетті. Мектебіміздің дене шынықтыру пәні мұғалімдері арқан тартыс, асық, қол күрестіру ойындарын көрермендерді бірлестіріп ойнатты. Келген қонақтарымызды мұғаліміміз Даирова Динара «Қазағым» әнімен сусындатты.