Бүгін қызығы мен қиыншылығы мол, әр оқу жылы, қайталанбас тарихқа толы мектептің мерекесі, оқушылардың сыныптан - сыныпқа көшіп, асыға күткен жазғы демалысқа шығарып салатын – соңғы қоңырау салтанатын Мағжан Жұмабаев атындағы жалпы білім беретін мектеп-гимназиясы атап өтті. Оқу жылын 357 оқушымен аяқтап, 2-11 сыныптар аралығында 51 оқу озаты, 134 оқу екпіндісі болды. Жалпы мектеп бойынша оқу үлгерімі 100 % болса, білім сапасы 57% құрады.

Тағы бір оқу жылы артта қалды. 11 жыл бойы мектеп атты ұлы білім ордасынан тәлім-тәрбие алған әрбір түлек үшін бұл сәт – жаңа өмірдің бастамасы.

Мектебіміздің 18 түлегі бүгінгі салтанатты жиында балалықпен, мектеппен қоштасты. Ұстаздар тәуелсіз еліміздің жас ұрпағын тәрбиелеп, алға қойған міндеттерді орындау жолында аянбай еңбек етуде. Басты мақсатымыз - білім беру сапасын жетілдіру, саналы тәрбие беру. Биылғы оқу жылында жақсы нәтижелерге қол жеткіздік.