М.Жұмабаев атындағы мектеп-гимназиясында гуманитарлық пәндер бірлестігінің жиналысы өтті. Жиында II тоқсан қорытындылары, дарынды және үлгерімі төмен оқушылармен жүргізілген жұмыстар қарастырылды.

Олимпиадалар мен байқауларға қатысқан оқушылардың жетістіктері талданып, дарынды оқушылармен жұмыстың жаңа жоспары жасалды. Үлгерімі төмен оқушылармен қосымша сабақтар мен ата-аналармен жұмыс нәтижелері айтылып, бұл бағыттағы шаралар жалғасатыны атап өтілді.

Сондай-ақ пәндер бойынша үлгерім мен білім сапасы талданып, оқушылардың қызығушылығын арттыруға бағытталған тиімді әдістер ұсынылды. Жиын соңында бірлестік жетекшісі келесі тоқсанда атқарылатын міндеттерді нақтылады.