2025 жылдың 31 желтоқсанында М.Жұмабаев атындағы мектеп-гимназиясында жаратылыстану–математикалық бағыттағы пәндер бірлестігінің ІІ тоқсан қорытынды отырысы өтті. Отырысқа математика, физика, химия, биология, информатика және география пәні мұғалімдері қатысты.

Жиын барысында тоқсандық оқу жетістіктері, пәндік олимпиадалар мен ғылыми жобаларға оқушылардың қатысуы, функционалдық сауаттылықты дамыту, STEAM бағытында жүргізілген жұмыстар қарастырылды. Мұғалімдер білім сапасына талдау жасап, тәжірибе алмасты. Сонымен қатар, дарынды және үлгерімі төмен оқушылармен жұмысты жетілдіру, зертханалық және практикалық сабақтарды ұйымдастыру мәселелері талқыланды.

Қорытынды бөлімде ІІ жартыжылдыққа арналған жоспар нақтыланып, пән мұғалімдеріне нақты тапсырмалар берілді.