«Таза Қазақстан» ???? республикалық акциясы аясында Нұра ауданының жастары қарттар үйінің ауласын қардан тазалау жұмыстарына белсене атсалысты.
Жастар аула ішін қардан тазартып қана қоймай, қариялармен жылы жүздесіп, хал-жағдайларын сұрап, көңіл күй сыйлады. Бұл игі іс – жас ұрпақтың аға буынға деген шынайы құрметі мен қоғам алдындағы азаматтық жауапкершілігінің жарқын көрінісі ғана емес, сондай-ақ волонтерлік қызметтің маңызды бір үлгісі болды.

Мұндай шаралар өскелең ұрпақтың бойында мейірімділік пен жанашырлық қасиеттерін қалыптастырып, ел болашағына бейжай қарамайтын белсенді азаматтарды тәрбиелеуге септігін тигізеді.