М.Жұмабаев атындағы жалпы білім беретін мектеп гимназиясында «Кітап оқитын ұлт» жобасы аясында мектеп оқушылары арасында кітап алмастыру шарасы ұйымдастырылды.
Оқушылар өздері оқып, әсер алған сүйікті кітаптарын бір-бірімен бөлісіп, жаңа әдебиеттермен танысуға мүмкіндік алды. Бұл шара балалардың кітап оқуға деген қызығушылығын арттырып қана қоймай, оқырмандық мәдениетті қалыптастыруға, сыныптастары арасында рухани байланыс орнатуға ықпал етті.

Шара барысында оқушылар кітаптар туралы өз ойларымен бөлісіп, сүйікті авторлары жайлы пікір алмасты. Мұндай бастамалар жас ұрпақтың таным көкжиегін кеңейтіп, ойлау қабілетін дамытып, сөздік қорын байытуға үлкен септігін тигізеді.