Мектебімізге 4 (төрт) жолдама табыс етілді.
Бүгін наурызнама жоспарына сай мектебімізде қайырымдылық күні аталып өтті. Қайырымдылық тек материалдық көмек көрсетуде ғана емес, рухани қолдау, көңілі жүдеу адамды жылы сөзбен жігерлендіру де маңызды. Осы іс-шараға орай, мектебіміздің директорының м.а. Е.Е. Абаев барша ұстаздар мен оқушыларды қайырымдылық күнімен құттықтап, сертификат табыстау кезегін ауылымыздың әкімі М.Б. Бастеновке сөз берді. Ауыл әкімі өз сөз кезегінде бүгінгі қайырымдылық күнімен және келе жатқан наурыз мейрамымен құттықтап, мектебіміздің еріктілер клубын ерекше атап өтіп, ізгі ниетін білдірді. Еріктілер клубының ұл-қыздары тұрақты түрде ауылымыздың жалғыз басты ата-әжелеріне өз көмектерін көрсетіп тұрады. Бұл да бірде-бір қайырымдылықтың белгісі.
«Қазақстан халқына» қоғамдық қоры Наурыз мерекесі аясында өтетін «Қайырымдылық» күніне орай, балалардың жазғы демалысын қамтамасыз ету мақсатында «QH Жаздық жолдама - 2024» қайырымдылық жобасы бойынша мектебімізге 4 (төрт) жолдама табыс етілді.
