“22 Наурыз - Ұлыстың Ұлы күні”
Әз Наурыз құтты болсын, Қазақ елі!
Мектебімізде “22 Наурыз - Ұлыстың Ұлы күні” мейрамы қарсанында мерекелік концерт өткізілді. Наурыз атамзаманнан келе жатқан адамзат мерекесі. Мерекелердің төресі және ең көнесі, жер ананың омырауы иіп, тұла бойы исінетін, табиғат жан-дүниесімен жадырап, өзегінен қауашақ жарып, көкөрім өмірдің нәрін көктететін, тіршілік біткеннің тулай аққан қанын жаңаша жасартатын, ең бастысы жасанды емес, табиғаттың өзі, Тәңірдің қалауымен тойланатын текті мереке.
«Жаңбырменен жер көгерер, батаменен ел көгерер» деп қазақ халқы бекер айтпаса керек. Мерекелік концерт бата беруден басталды. Іс-шара барысында сыныптар қазақтың ұлттық салт-дәстүрлерін көрсетіп, ұмыт болып бара жатқан ырымдарды айтып, ән шырқап, би биледі.
